Државен погреб на кралицата Елизабета Втора
Со благодарност се сеќаваме на нејзината непоколеблива посветеност на високиот повик во текот на толку години како кралица и шеф на Комонвелтот. Со восхит се потсетуваме на нејзиното долгогодишно чувство на должност и посветеност кон својот народ. Со благодарност го фалиме Бога за нејзиниот постојан пример на христијанска вера и посветеност. Со љубов се потсетуваме на нејзината љубов кон семејството и посветеноста на каузите, рече отецот Дејвид Хојл на почетокот на државниот погреб на британската кралица Елизабет Втора.
Надбискупот од Кентербери, Џастин Велби, ќе одржи проповед и пофалба-церемонијалниот момент кога кралицата му се доверува на Бога.
Молитвите ќе каже и архиепископот од Јорк, кардиналот архиепископ од Вестминстер, модераторот на Генералното собрание на црквата на Шкотска и Слободните цркви.
Ќе говорат и британската премиерка Лиз Трас и генералниот секретар на Комонвелтот Патриша Скотланд со читања од Светото писмо.
Ковчегот во Вестминистерската опатија, црква која датира од 13-от век, пристигна на лафет кој го влечеа офицери на британската морнарица, што е традиција од погребот на кралицата Викторија во 1901 година. Пред кочијата маршираа и 200 гајдаџии.
Поворката зад ковчегот ја предводеше кралот Чарлс Трети и членовите на британското кралско семејство.
