Јапонските и јужнокорејските власти соопштија дека неодамна истреланите ракети од Северна Кореја летале во далечина од 450 км и на висина од околу 100 км, чија траекторија покажува дека се слични на нуклеарните балистички ракети со краток дострел. Јапонскиот премиер Јошихиде Суга посочи дека „овие ракети, првпат по речиси една година, претставуваат закана по мирот и безбедноста на неговата држава и регионот“. Тој исто така додаде дека е подготвен да соработува со САД, Јужна Кореја и други држави за да го заштити народот.
Додека Доналд Трамп беше на власт, севернокорејскиот лидер Ким Јонг-ун тестираше 57 ракети, вклучувајќи и пет интерконтинентални балистички ракети со досег до САД. Во април 2018 година, Ким соопшти дека ќе престане со тестирањето пред самитот со Трамп. Потоа во мај 2019 година спроведе тестирање на мали модели на ракети со цврсто гориво. Балистичките ракети со среден дострел користат течно гориво, кое се полни пред лансирањето, но чинат време и можен конфликт.
Новото тестирање на нуклеарниот арсенал на Ким останува најважен предизвик во надворешната политика на Бајден. Севернокорејскиот лидер тестираше 112 ракети и три нуклеарни оружја откако дојде на власт во декември 2011 година.
