Тоа е признание за нивните напори да помогнат во решавањето на климатските промени и да го направат светот на спортот поодржлив, односно да го намалат влијанието на спортот врз животната средина и истовремено да го инспирираат поширокото олимписко движење да преземе акција.
ИОК
Олимпискиот веслач Имоген Грант од Велика Британија, олимписката одбојкарка на плажа Лина Тејлор од Бугарија, Швајцарскиот олимписки комитет и Меѓународната хокеарска федерација се добитници на наградите за климатски активности на Интернационалниот олимписки комитет (ИОК) за 2024 година, пишува ИОК. Тоа е признание за нивните напори да помогнат во решавањето на климатските промени и да го направат светот на спортот поодржлив, односно да го намалат влијанието на спортот врз животната средина и истовремено да го инспирираат поширокото олимписко движење да преземе акција.
Покрај четворицата наградени, националниот олимписки комитет на Маврициус и Интернационалната унија за биатлон (ИБУ) добија признание во категоријата „високо пофалени“ за иновативната природа во нивните напори за намалување на негативните емисии, објави ИОК. Најавата беше објавена од ИОК за време на Климатската недела во Њујорк, годишен настан што ги обединува деловните лидери, носителите на одлуки и граѓанското општество за да поттикнат акција за справување со климатските промени.
– Како што се забрзуваат климатските промени, олимпиското движење ги забрзува напорите за нивно решавање. Годинашните добитници на наградите на ИОК за климатски активности покажуваат дека олимпиското движење сериозно ги сфаќа своите одговорности, го намалува нашето влијание, додека ги инспирира другите да преземат акција. Се надеваме дека овие напори ќе ги инспирираат другите во спортот и пошироко да се приклучат на колективните напори за справување со еден од најтешките предизвици со кои се соочува нашиот свет денес – изјави претседателот на ИОК, Томас Бах. Г.И.
