Светскиот првак Аргентина има четворица номинирани, а европските првенки Англија шест. Од европските клупски прваци, пак, Лион и Реал Мадрид, има по петмина во трка за признанијата на ФИФА
ФУДБАЛ
Триото Леа Вилијамсон, Бет Мид и Кира Волш од европскиот првак Англија, минатогодишните победници Алексија Путелас од Шпанија и Роберт Левандовски од Полска, капитенот на светскиот првак Аргентина, Лионел Меси… се номинирани, меѓу другите, за наградите „најдобар“ на Светската фудбалска федерација (ФИФА), за најдобри во 2022 година.
Светскиот првак Аргентина има четворица кандидати во три категории (Хулиан Алварез, Меси, Лионел Скалони и Емилијано Мартинез), а европските првенки Англија шест во четири категории (Вилијамсон, Мид, Волш, Мери Ерпс, Алесија Русо и Сарина Вигман). Од европските клупски прваци, пак, има по петмина во трка за наградите на ФИФА, и тоа Карим Бензема (Франција), Лука Модриќ (Хрватска), Винисиус Жуниор (Бразил), Тибо Куртоа (Белгија) и Карло Анчелоти (Италија) од Реал Мадрид и Ада Хегерберг (Норвешка), Венди Ренар (Франција), Соња Бомпастор (Франција), Кристијане Ендлер (Чиле) и Амандин Анри (Франција) од Лион… Гласањето за најдобрите во осумте категории трае до 3 февруари.
НОМИНИРАНИ ЗА НАЈДОБРА ФУДБАЛЕРКА: Аитана Бонмати (Шпанија/Барселона), Дебиња (Бразил/Северна Каролина), Џеси Флеминг (Канада/Челси), Ада Хегерберг (Норвешка/Лион), Сем Кер (Австралија/Челси), Бет Мид (Англија/Арсенал), Вивијан Миедема (Холандија/Арсенал), Алекс Морган (САД/Орландо /Сан Диего), Лена Обердорф (Германија/Волфсбург), Александра Поп (Германија/Волфсбург), Алексија Путелас (Шпанија/Барселона), Венди Ренар (Франција/Лион), Кира Волш (Англија/Манчестер сити/Барселона), Леа Вилијамсон (Англија/Арсенал).
НОМИНИРАНИ ЗА НАЈДОБАР ФУДБАЛЕР: Хулијан Алварез (Аргентина/ Атлетико Ривер Плата/Манчестер сити), Џуд Белингем (Англија/Борусија Д.), Карим Бензема (Франција/Реал Мадрид), Кевин де Брујне (Белгија/Манчестер сити), Ерлинг Холанд (Норвешка/Борусија Д./Манчестер сити), Ашраф Хакими (Шпанија/ПСЖ), Роберт Левандовски (Полска/Баерн/Барселона), Садио Мане (Сенегал/Ливерпул/Баерн), Килијан Мбапе (Франција/ПСЖ), Лионел Меси (Аргентина/ПСЖ), Лука Модриќ (Хрватска/Реал Мадрид), Нејмар (Бразил/ПСЖ), Мохамед Салах (Египет/Ливерпул), Винисиус Жуниор (Бразил/Реал Мадрид).
