ФУДБАЛ – ПРЕМИЕР-ЛИГА
Шест тима од Премиер-лигата не победија на натпревар во првите пет кола првпат во историјата на најсилната англиска фудбалска лига, пишува „Скај спорт“. Новопромовираните Саутемптон, Ипсвич и Лестер, како и Кристал палас, Евертон и Вулверхемптон, беа без победа во Премиер-лигата по воведните пет рунди сезонава. Во шестото коло, по мечевите во саботата, прв триумф забележа Евертон, а синоќа играа Саутемптон и Ипсвич.
Просечниот број освоени поени по натпревар од првите три тима во секоја сезона во Премиер-лигата од сезоната 1995/1996, кога лигата беше намалена на 20 екипи и 38 сезони со натпревари, покажува забележителни скокови во три од изминатите шест години, а тековната проекција за најдобрите три сезонава би забележала рекорд од 2,47 поени по натпревар ако екипите го задржат својот сегашен просек. Спротивно на тоа, испаднатите клубови собраа рекордно ниско ниво од 66 поени во минатата сезона, кога Лутон, Барнли и Шефилд јунајтед веднаш се вратија во дивизијата, пишува „Скај спорт“.
Се разбира, тимовите можат да закрепнат од слабите стартови. Вкупно 79 тима од Премиер-лигата биле без победа по првите пет натпревари, 47 од нив опстанале, пишува „Скај спорт“. Минималниот број на поени потребни за да се опстане во лигата (без учество на гол-разликата) од сезоната 1995/1996 открива дека во претходните години обично се потребни сѐ помалку бодови за да се обезбеди опстанок. Условот од 40 бода често беше неопходен кон крајот на 90-тите и беше потребен во 2011 година, но тој број се намалуваше на 35 или помалку во секоја сезона од 2015/2016, пишува „Скај спорт“. Н.М.
