ФУДБАЛ – ЛИГА НА ШАМПИОНИТЕ
- Во второто коло е поставен нов рекорд за најмногу голови во едно коло во ЛШ
Килијан Мбапе стана најмладиот фудбалер со 100 настапи во Лигата на шампионите (ЛШ), со 27 години, во мечот на Реал Мадрид на гости со Рома, во средата, пишува агенцијата „Асошиејтед прес“ (АП). Тој го прослави рекордот постигнувајќи гол во победата на Реал Мадрид со 4-3. Лионел Меси го постави претходниот рекорд, со 28 години, на меч со Рома, во 2015 година, пишува АП. Мбапе сега има 72 гола во ЛШ, со што се искачи пред поранешниот играч на Реал Мадрид, Раул Гонзалез, на петтото место на вкупната листа на стрелци во ЛШ.
Тоа не беше единствениот рекорд на Меси што беше соборен во средата, откако Ерлинг Холанд постигна два гола во поразот на Манчестер сити со 2-4 дома од Пари сен Жермен. Европската фудбалска унија (УЕФА) соопшти дека Холанд со 26 години и 85 дена стана најмладиот фудбалер што постигнал 60 гола во ЛШ, надминувајќи го рекордот на Меси за еден ден, пишува АП. Холанд сега има 61 гол на 60 настапи во ЛШ.
Во второто коло е поставен нов рекорд за најмногу голови во едно коло во ЛШ, со 78 гола, седум повеќе од досегашниот рекорд, од третото коло лани, пишува УЕФА. Третото најефикасно коло е првото сезонава, со 69 гола.
Резултати, 2. коло: Ленс – Спортинг 0-2, Сабах – Славија 2-0, Арсенал – Лил 3-0, Атлетико М. – Манчестер ј. 2-0, Интер – Клуб Бриж 3-4, Галатасарај – Барселона 1-4, Лајпциг – ПСВ 1-0, Викинг – Баерн 3-3, Вилјареал – Наполи 3-1, Феенорд – Комо 3-2, ЛАСК – Ливерпул 3-6, Рома – Реал М. 3-4, Астон вила – Фенербахче 6-0, Шахтер – АЕК 3-1, Бодо/Глимт – Борусија Д. 1-0, Манчестер с. – Пари Сен Жермен 2-4, Бетис – Порто 3-2, Слован – Штутгарт 0-3.
Табела: Пари сен Жермен, Барселона, Астон вила, Штутгарт, Ливерпул, Спортинг, Арсенал, Реал М. и Бетис по 6 бода, Баерн и Шахтер по 4, Комо, Манчестер ј., Вилјареал, Атлетико М., Клуб Бриж, Манчестер с., Борусија Д., Ленс, АЕК, Лајпциг, Сабах, Феенорд и Бодо/Глимт по 3, Рома, ПСВ, Викинг и Фенербахче по 1, Интер, Порто, Славија, Наполи, ЛАСК, Лил, Галатасарај и Слован се без бодови. Н.М.
