Здрава храна
Малината е едно од највкусните, но и најздрави овошја. А ако се прашувате кои се придобивките од малината, наведуваме неколку добри причини во овој период почесто да ја консумирате.
Малините имаат вода во својот состав во сооднос од 85 проценти од вкупната маса, околу 9 отсто се јаглени хидрати, а остатокот се моносахариди и дисахариди. Исто така, содржи мали количества протеини и масти. Малините содржат и многу витамини. Преовладува витаминот Ц, проследен со Б9, ПП, Е, Б3 по редослед. Тие содржат и микроелементи и макроелементи: магнезиум, калиум, хлор, калциум и фосфор. Малините содржат и киселини: салицилна, лимонска и малична, како и многу корисната супстанција антоцијанин, која ги прави капиларите потрајни. Малините не се богати со калории, 100 г бобинки содржат приближно 40 ккал. Корисните својства на малината се познати за многумина, како и нивниот извонреден вкус.
Малината се користи и за превенција и лекување многу болести. Придобивките од малините за здравјето на луѓето се толку големи, што со помош на специјални рецепти може да се излечат дури и радикулитис, атеросклероза и анемија.
Исцелувачки својства имаат и листовите, коренот и стеблото од малината. На пример, листовите содржат големо количество елементи во траги, минерали, шеќери, витамини и фитонциди. Тие се исто така многу богати со аскорбинска киселина. Коренот од малината е највредниот дел од растението, кој е ценет поради неговите две уникатни својства: третман на бронхијална астма и заболувања на лимфниот систем.
