Нега и убавина
Познатиот фризер Николас Валдорф ни открива што е вистина, а што заблуда кога станува збор за негата на косата.
За да расте косата побрзо, потребно е редовно да се потстрижувате: И точно и неточно.
– Точно е дека препорачуваме редовно средување на врвовите. Од една страна, тоа е добро за спречување на испуканите врвови, а од друга, за зајакнување на косата. Спротивно на тоа, косата не престанува да расте затоа што не е потстрижена. Често има жени што кога ќе дојдат во салонот да го бојадисаат израстокот, велат: „Ама погледнете ја мојата коса, не пораснала со години“. Не се краевите тие што го диктираат ритамот на растот на косата, туку фоликулите на скалпот – вели Валдорф.
Никогаш не треба да ги вадите сивите влакна, бидејќи тие многу повеќе ќе пораснат: Погрешно.
Фризерот вели дека ова е стар мит. Ако извадиме прамен од косата, без разлика дали е сив или не, само ќе го оштетиме коренот.
Важно е редовно да ја менувате рутината за нега, за да не се навикне косата на истите производи: Точно.
Од суштинско значење е да пронајдете рутина за нега на косата што одговара на вашите потреби, но исто така е многу добро да ја менувате одвреме-навреме за да спречите вашата коса да се навикне на неа и да ја изгуби својата ефикасност.
Ако ја миете косата секој ден, таа ќе стане помрсна: Точно.
Шампонот е детергент и колку повеќе го користите, толку повеќе ќе ги активирате лојните жлезди. По некое време, жлездите ќе лачат премногу себум за да го рехидрираат скалпот, а косата ќе ви биде помрсна.
