Повеќе тимови со задача истовремено да конструираат 14 брода, секој со различни функции, се ангажирани со синхронизирана и координирана работа на пристаништата во сопственост на „Џијангсу Јангзи Ксинфу“, бродоградилиште со седиште во Таижу, источнокинеската провинција Џиангсу. Имено, компанијата секојдневно прима големи пратки на различни видови стоки и различна индустриска опрема, вклучувајќи „морски челик“, сврзувачки елементи, електронски компоненти, легура на алуминиум итн. Но како сето тоа се прима, се распределува, се користи и се склопува во финален производ? Всушност, таквата филозофија на посветеност и повеќеслојна мултидисциплинарна работа, Кинезите ја довеле до совршенство, од кое само треба да се учи
Пример од кинеската индустрија од кој се учи сигурното управување со ресурси:
Бродоградителите ефикасно се справуваат со глобалните нарачки
Повеќето танкери за нафта и хемиски производи, контејнерски бродови и носачи на руда изградени во кинеските бродоградилишта ќе одат кај сопствениците на бродови во Норвешка, Грција, Данска и во Сингапур, кои направиле нарачки кај матичната компанија на бродоградилиштето – „Јанџиџан шипбилдинг груп“, фирма со седиште во Џинџијанг, Џиангсу, во текот на изминатите две години. Токму таму каде што е јадрото на еден совршено организиран кластерски приод во производство на финален производ – бродови, со извонреден квалитет.
– Околу 77 отсто од нашите нарачки се контејнерски бродови со погон на ЛНГ (течен природен гас), бродови со двоен погон на гориво со дизел-електричен погон, со нарачки веќе закажани до 2027 година, а најновата испорака продолжува до 2028 година – рече Лиу Јинџун, помошник-претседател на бродоградбата „Џијангсу Јангзи Ксинфу“.
Човечките ресурси, нивното знаење, вештини и меѓусебни односи се на
врвот на пирамидата за успешност на компанијата и системот
Во центарот за обука на компанијата работниците се обучуваат за операции на заварување и сврзување, подготвувајќи ги технички за изградба два танкера на ЛНГ од 175.000 кубни метри. Посветеноста на човечките ресурси резултира со конструирање производ, во случајов напредни бродови што се највисок дострел во глобалната бродоградбена индустрија, во кои историски доминираа јужнокорејските бродоградители и честопати се нарекуваат врв на извонредноста. Истакнувајќи дека кинеските бродоградители континуирано ги надминуваат техничките предизвици и обезбедуваат меѓународни нарачки, Лиу рече дека само пет компании во Кина се способни да градат носачи на ЛНГ, а неговата фирма е единствената компанија за изградба на бродови во приватна сопственост меѓу нив.
Токму благодарение на целосните производствени кластери од Кина, силната придружна индустрија, како и континуираното инвестирање и распределба на ресурси во секторот за бродоградба, производството на бродови во земјата достигна 42,32 милиони тони товар во 2023 година, што претставува зголемување од 11,8 отсто на годишно ниво, соопштија од Министерството за индустрија и информатичка технологија. Со подобрена глобална конкурентност, кинеските бродоградилишта забележаа пораст на новите нарачки за 56,4 отсто на годишно ниво, на 71,2 милион тони минатата година, што претставува 66,6 отсто од вкупниот глобален износ.
Ли Јанкинг, генерален секретар на кинеската асоцијација на националната бродоградба индустрија, или ЦАНСИ, со седиште во Пекинг, рече дека земјата постигнала водечка позиција на глобалниот пазар на бродоградба со обезбедување нови нарачки од 14 од 18 главни типови бродови во 2023 година.
Инвестирањето во човечките ресурси придонесува за оптимизмот дека
кинеската индустрија е подготвена да допре невидени нивоа на успех
во годините што следуваат
Ова не само што ја зацврсти водечката позиција на Кина во клучните сегменти, освојувајќи повеќе од 70 отсто од вкупниот број светски нови нарачки на транспортери на растурен товар и танкери, туку и ја потврди експертизата на земјата и на другите пазари, бидејќи новите нарачки за бродови превозници на автомобили надминаа 80 отсто од глобален удел.
Очекувајќи значителен пораст на профитабилноста на кинеската бродоградбена индустрија во 2024 година, Ли рече дека со пазарните цени во 2023 година, кои се зголемија за над 10 отсто во споредба со претходната година и достигнаа дури 15 отсто во многу случаи, постои силна причина да се верува дека индустријата е подготвена да допре невидени нивоа на финансиски успех во годините што следуваат.
