Иако сè повеќе потрошувачи уживаат во погодноста на роботите околу средувањето на домот, роботиката има најголемо влијание во индустриската примена. Најсовремените производствени процеси се незамисливи без индустриските роботи за да се справат со дел од обемот на работа, без разлика дали се работи за ракување, заварување или склопување на производите, кои лани беа трите најчести примени во новоинсталираните индустриски роботи. Врз основа на податоците од Меѓународната федерација за роботика (ИФР), оперативните резерви на индустриските роботи тројно се зголемија во текот на изминатата деценија, со тоа што повеќе од три милиони роботи беа во употреба во различни индустрии до крајот на 2020 година. Според ИФР, Азија води во преминот кон автоматизираните процеси, со тоа што Кина особено со голема брзина ја воведе примената на индустриски роботи. Лани, државата во функција стави 168.400 индустриски роботи, што претставува 44 отсто од вкупните инсталации во светот.
