Домување
Некои трикови за чистење функционираат одлично и ја олеснуваат непријатната задача за чистење на тоалетот. Сепак, има многу невистини за чистењето на тоалетот. Некои од овие митови се безопасни, нема да ви помогнат, но нема ниту да ви наштетат, додека други всушност можат да го оштетат тоалетот.
Користење „кока-кола“ за чистење: Долг е списокот на чуда што наводно може да ги направи „кока-кола“, а се шпекулира дека чистењето на тоалетот е едно од нив. Овој пијалак е дел од трикот за чистење тоалет што често се споделува на интернет, но неговата употреба често е погрешно разбрана. Луѓето купуваат „кока-кола“ бидејќи киселината во составот може да исчисти многу работи.
Други веруваат дека меурчињата ги отстрануваат дамките. Сепак „кока-кола“ може да ви помогне за чистење на тоалет, но не на начинот на кој мислат повеќето луѓе. Никогаш не следете ги советите што ви кажуваат едноставно да истурите шише пијалак во тоалетот. Ако го направите тоа, ќе завршите со леплив неред, а шеќерот во тој леплив неред ќе привлече бактерии наместо да ги отстрани. Всушност, киселината е таа што дејствува, а не карбонизацијата и меурите. Трикот да го направите овој совет правилно е да ги испрскате целните дамки со течноста, а на тоалетот сè уште му треба темелно чистење кога ќе завршите со отстранување на дамките.
Отстранување бигор со белило: Ако се обидувате да ги отстраните дамките од тврда вода од вашиот тоалет со белило, веројатно сте фрустрирани и се прашувате зошто тоа не функционира. Исто така, несвесно ги влошувате вашите проблеми. Белилото изгледа како логичен начин да се третира бигорот, но има една дамка што белилото всушност ќе ја влоши: ‘рѓата. Цврстата вода обично содржи железо, а белилото е оксидатор што го прави железото ‘рѓа. Ако се обидувате да се ослободите од дамката со белило, помагате таа да се фиксира на местото наместо да ја отстраните. За да се ослободите од оваа и другите дамки од тврда вода, најдобро е да користите средство за чистење што содржи блага киселина.
Ако мириса на чисто, не значи дека е чист: Ако тоалетот изгледа и мириса чисто, повеќето луѓе претпоставуваат дека е чист. Сепак, оваа претпоставка не го зема предвид фактот дека бактериите не можат да се видат со голо око. Ако ставите средство за чистење со силен мирис во тоалетот, може да мириса многу свежо. Меѓутоа, овие средства за чистење не можат сами да го исчистат тоалетот, тие се неефикасни ако само отстојат на површината без никакво триење. Сличен мит е дека ако истурете малку од овие детергенти со пријатен мирис во тоалетната школка, тоалетот ќе биде малку посвеж со секое испуштање вода. Тоа помага да се одржи пријатен мирис, но не и да се исчисти тоалетната школка.
