Македонскиот премиер Димитар Ковачевски и вицепремиерот за евроинтеграции, Бојан Маричиќ, на Минхенската безбедносна конференција се сретнаа Џорџ Сорос, освовачот на „Отворено општество“, соопшти прес-службата на Владата.
На средбата присуствувал и синот на Сорос, Александар.
„Соговорниците истакнаа дека отвореноста на државата за развој на демократијата, владеење на правото се клучни за развој на економијата, за нови инвестиции од домашни и странски компании“, се наведува во владиното соопштение.
Според соопштението, премиерот Ковачевски на средбата рекол дека Владата ќе продолжи да го поддржува слободоумното граѓанство и критичката маса.
Од Владата не соопштија повеќе детали за тоа кој бил поводот за средбата.
