Еден човек загина и петмина се повредени, меѓу кои и едногодишно дете, во тешка сообраќајна несреќа што вчера случи во село Страцин, Кратовско.
Несреќата се случила помеѓу две возила – „голф“ и „бмв“.
Во незгодата, на местото на настанот починал совозачот во возилото „голф“, В.Ј. (53) од с.Костин Дол-Македонска Каменица, а додека со телесни повреди се здобиле С.Ѓ. и сопатниците од истото возило В.Ј.(50), Н.Ј.(20) и едногодишно дете, констатирани во Медицинскиот центар Куманово. Возачот К.П. бил пренесен во Здравствениот дом Кратово за укажување на лекарска помош.
Извршен увид од Јавен обвинител и увидна екипа од Полициската станица Кратово
Шест повредени меѓу кои и деца во сообраќајка кај Маврово
Шестмина повредени, од кои две деца на возраст од пет и три години, во сообраќајна несреќа на регионалниот пат Гостивар-Маврови Анови, во близина на Мавровската крстосница, помеѓу две возила.
Во незгодата со тешки телесни повреди се здобил возачот на едното возило – В.М., а со телесни повреди се здобиле сопатниците од истото возило Л.М.(37) и две деца на возраст од пет и три години, потоа возачот И.Р. и сопатничката од другото возило Р.Р.(43), констатирани во Медицинскиот центар Гостивар.
Извршен бил увид на местото на настанот од увидна екипа од Полициската станица Гостивар.
