Италијанец кој сакал потврда за вакцинација против ковид-19, но не и да се вакцинира, се појавил на закажан термин со лажна рака, соопштија италијанските власти.
Маж на околу 50 години се појавил на вакцинација со силиконски калап што му ја покривал десната рака, надевајќи се дека тоа ќе помине незабележано. Меѓутоа, медицинската сестра не била измамена и мажот бил пријавен во полиција во градот Бијела, во северозападна Италија.
Медицинската сестра за локалните медиуми изјавила дека видела дека неговата кожа е гумена и студена, а пигментот пресветол, кога му го подигнала ракавот. Откако бил откриен, мажот се обидел да ја убеди сестрата да го затвори едното око, објави италијанска „Република“. Наместо тоа, таа го пријавила во полиција за измама.
