Во текот на изминатото деноноќие, полициските службеници на Министерството за внатрешни работи лишиле од слобода 12 возачи поради безобѕирно управување со возило.
Од нив, седум лица биле приведени поради управување без возачка дозвола. Еден од случаите е регистриран во Свети Николе, додека останатите се во Тетово, Куманово, Делчево, Битола и два случаи во Кичево.
Дополнително, четворица возачи во Тетово, Куманово, Берово и Ресен биле затекнати како управуваат возило под дејство на алкохол.
Уште двајца возачи во Скопје и Струга управувале возило и покрај изречена забрана за управување од Б категорија.
Од МВР информираат дека по целосно документирање на случаите ќе следуваат соодветни кривични пријави.
Воедно, апелираат до граѓаните да ги почитуваат сообраќајните правила, да не управуваат возило без возачка дозвола или под дејство на алкохол, со цел зголемување на безбедноста во сообраќајот.
