Кинескиот министер за надворешни работи Ванг Ји одговори на 21 прашање за надворешната политика и надворешните односи на Кина, вклучувајќи ги односите меѓу Кина и САД и за иранската ситуација, на прес-конференција одржана за време на „Двете сесии“ во неделата. Во продолжение ги издвојуваме клучните цитати на шефот на кинеската дипломатија.
– Кина и САД се големи земји. Ниту едната страна не може да ја смени другата, но ние можеме да избереме како сакаме да се ангажираме.
– Историјата на Блискиот Исток му кажува на светот одново и одново дека силата не нуди решение и дека оружениот конфликт само ќе ја зголеми омразата и ќе создаде нови кризи.
– Моќта не е во право. Законот на џунглата не смее да се врати и да владее со светот.
– Кина е секогаш сидро за регионалната безбедност, мотор за развој и за просперитет и застапник на заедничките вредности на азиските земји.
– Секогаш мора да се осигуриме дека светските работи се дискутираат и решаваат од страна на сите нации, а меѓународните правила се формулирани од сите земји.
– Отвореноста и соработката нема да ѝ наштетат на економската безбедност; но градењето ѕидови и бариери само ќе доведе до самоизолација.
– Кина никогаш нема да го избере истапканиот пат на барање хегемонија како што расте нејзината сила, ниту пак се согласуваме со логиката дека светот можaт да го водат големите земји.
– Принцип е да не се остави ниту една земја зад себе и да се запре растечкиот јаз во богатството.
– Иднината на односите меѓу Кина и Јапонија зависи од изборот на Јапонија.
– Тајван беше вратен од Кина пред повеќе од 80 години и никогаш повеќе нема да дозволиме ниту еден поединец или сила да го одвои од Кина.
