Најмалку пет лица се убиени, а десетици се повредени во судирите меѓу пакистанската полиција и членовите на фундаменталистичката исламистичка група Техрик-е-Лабаик Пакистан за време на антиизраелскиот протест на најпрометниот автопат во земјата.
Меѓу загинатите има еден полицаец, тројца демонстранти и еден случаен минувач, а десетици демонстранти се уапсени.
Десничарската група соопшти дека нејзиниот лидер, Саад Ризви, бил застрелан три пати во судирите со полицијата.
Демонстрантите марширале по автопатот од Лахор до главниот град Исламабад, за да изразат солидарност со народот на Палестина, кога избувнале неколку судири со полицијата.
