Петнаесетгодишно девојче уби поранешна учителка и уште еден ученик, а рани уште шестмина во приватно христијанско училиште во американската сојузна држава Висконсин. Од шестмината повредени, двајца се со повреди опасни по живот. Четворица ученици се здобиле со полесни повреди, а двајца од нив во меѓувреме се пуштени дома. Полицијата соопшти дека ученичката била пронајдена мртва на местото на настанот.
Би-би-си јавува дека напаѓачот била 15-годишна ученичка од тоа училиште Натали Рапноу, која била позната и по името Саманта.
Полицијата се уште не го открива мотивот за пукањето, а семејството на осомничената соработува со истрагата. Се уште не е јасно како напаѓачката го добила огненото оружје. Полицијата до сега немала претходна интеракција со неа.
Пукањето се случило во Христијанското училиште Абандант Лајф, приватна институција во која учат околу 400 ученици во градинка до 12-то одделение, соопшти полицискиот оддел на Медисон на социјалните мрежи.
Контролата на оружјето и безбедноста на училиштата се едно од главните политички и социјални прашања во САД, каде што во последниве години има зголемување на бројот на престрелки во училиштата.
Само оваа година имало 322 престрелки во училиштата во САД. Ова е втор најголем број од 1966 година, надмината само со минатогодишниот број од 349 престрелки.
