Напаѓачот кој во средата со огнено оружје уби двајца ученици и двајца професори во средно училиште во американската држава Џорџија е четиринаесетгодишен ученик од тоа училиште – соопштија властите, а пренесува „Хина“.
– Осомничениот, идентификуван како Колт Греј, 14-годишен ученик во училиштето, е во притвор и ќе му се суди како возрасен – изјави Крис Хоси, директор на Бирото за истраги во Џорџија.
Осомничениот разговарал со истражителите, но тие не сакале да откријат дали знаат кој е неговиот мотив. Не кажаа ниту од кое оружје пукал.
– Она што го гледаме е зло – рекол шерифот Џад Смит за време на кратката прес-конференција на теренот на училиштето.
Тој додаде дека неговите заменици брзо реагирале на пукањето откако одделот на шерифот добил повик за активен стрелец околу 10.20 часот.
– По пристигнувањето на полицијата момчето веднаш се предало – изјавил Смит.
Училиштето кое се наоѓа на околу 80 километри североисточно од Атланта, го посетуваат речиси 1.900 ученици, а наставата започна на 1 август.
Белата куќа соопшти дека претседателот Џо Бајден е свесен за инцидентот и дека владата ќе продолжи да се координира со „федералните, федералните и локалните функционери“.
