Од самитот на БРИКС во Јоханесбург, Јужна Африка
Деновиве светски најзначаен настан беше самитот на БРИКС во Јоханесбург, Јужна Африка, каде што учествуваа Бразил, Русија, Индија, Кина и Јужна Африка.
Имено, Кина со своите ангажмани и став, искажан во говорот на кинескиот претседател Си Џинпинг на последниот ден од самитот, се покажа како вистински фундамент на блокот.
Во својот говор, кинескиот претседател Си Џинпинг во четвртокот изјави дека „проширувањето на БРИКС е историско и нова почетна точка за соработката со БРИКС“!
– Проширувањето ја одразува резолуцијата на земјите од БРИКС да се обединат и да соработуваат со другите земји во развој, ги исполнува очекувањата на меѓународната заедница и им служи на заедничките интереси на пазарите во развој и земјите во развој – нагласи претседателот на Кина.
Тој додаде дека проширувањето, исто така, „ќе внесе свежа виталност во механизмот за соработка на БРИКС и дополнително ќе ги зајакне силите за светскиот мир и развој“.
Претседателот на Кина, Си Џинпинг, ги искажа овие зборови и на прес-конференција за време на 15-от самит на БРИКС, откако јужноафриканскиот претседател Кирил Рамафоса објави дека шест земји, имено Аргентина, Египет, Етиопија, Иран, Саудиска Арабија и Обединетите Арапски Емирати, се поканети да станат нови членки на БРИКС.
