Кујнските сунѓери содржат повеќе бактерии отколку кујнските четки, што би можело да биде хигиенски поприфатлив начин за миење садови.
Салмонелата и другите бактерии растат и преживуваат подобро во сунѓерите отколку во четките, а причината е што сунѓерите никогаш не се сушат при секојдневна употреба. Еден сунѓер може да содржи повеќе бактерии од луѓето на планетата Земја – вели Тронд Моретро, научник во „Нофима“, норвешки институт за истражување на храната.
Моретро е автор на новата студија објавена во весникот за применета микробиологија. Тој вели дека иако многу бактерии не се штетни, оние што се, како салмонелата, може да се шират од сунѓерите на рацете, на површините во кујната и на приборот и потенцијално да ги разболат луѓето.
Сунѓерот е влажен и акумулира остатоци од храна што исто така се храна за бактериите, што доведува до брз раст на бактериите – додава тој.
Она што најмногу ги изненади истражувачите во нивните наоди е тоа што не е важно како луѓето го чистат сунѓерот или колку често.
Начинот на кој потрошувачите ги користеа своите сунѓери не беше многу важен во однос на растот на бактериите. Многу е тешко за потрошувачите да го избегнат растот на бактериите во сунѓерите ако не се менуваат секојдневно – вели Моретро.
