Екипите на јавното претпријатие „Паркови и зеленило“ деновиве интензивно работат на одржување и уредување на јавните зелени површини низ градот, односно го косат зеленилото низ сите скопски општини и на кејот на реката Вардар.
– Изминатиов период од двете страни на кејот на реката Вардар е искосено зеленилото од мостот „Близнак“ кон Ново Лисиче, во општината Аеродром, а во тек е и косењето на зеленилото кај делот под Кале. Екипите деновиве вршат и повторно косење во делот на кејот кај Градскиот парк. Во текот на оваа недела, од двете страни на кејот се коси зеленилото од горниот дел на кејот, во заедничка координација со екипи од ЈП „Улици и патишта“, од мостот во Хром кон делот кај Карпош 4 и Карпош 3, до хотелот „Александар палас“ – информираат од претпријатието.
Активностите на уредување и косење на зеленилото ќе продолжат и во текот на наредниот период низ сите скопски општини.
