Кинескиот пристаништен град Чингдао на северот на земјата распореди илјадници чамци што собираат алги што почнаа да цветаат и кои се закануваат да го загрозат поморскиот свет, но и туризмот и водниот сообраќај.
Ваквите цветања на алгите може да ги потиснат изворите на храна за океанските животни, а во исто време да создадат и силен мирис, пренесува АП.
Државните медиуми објавија дека епидемијата на расцветани алги се проширила на приближно 9.290 квадратни километри и дека властите распоредиле околу 7.300 пловни објекти, кои досега собрале 240.000 тони алги.
Се наведува дека Чингдао се соочува со ваква епидемија најмалку 15 години, но никогаш не била на ова ниво.
Цветањето на алгите може да се случи природно, но се смета дека е во пораст како резултат на зголемувањето на температурите во морето и големата употреба на ѓубрива базирани на хемикалии.
