СКОПЈЕ
Градоначалникот Петре Шилегов оствари средба со македонската атлетичарка, Дрита Исљами, која вторпат во последните три недели го собори државниот рекорд во дисциплината 400 метри со пречки. Исљами на првиот ден од Европското екипно првенство во Лимасол ја истрча патеката во време од нов македонски рекорд од 57,53 секунди и го освои првото место.
По предлог на градоначалникот Шилегов, за постигнатиот успех на атлетичарката Дрита Исљами, Град Скопје ќе ѝ додели награда во износ од сто илјади денари.
– Со Програмата за активностите во областа на спортот и младите во градот Скопје, Град Скопје редовно финансиски и логистички ги поддржува спортските клубови регистрирани на подрачјето на градот Скопје, како што во овој случај е финансиската и логистичка поддршка веќе неколку години на атлетскиот клуб Работнички од Скопје, во чии редови последниве години е постојан член наградената наша најдобра атлетичарка на кратки патеки Дрита Исљами, која достојно ги презентираше градот Скопје и нашата држава, постигнувајќи го најголемиот успех во македонската атлетика, поставувајќи нов македонски рекорд во атлетската дисциплина спринт на 400 метри со пречки со време 57,53 секунди, што е
највреден резултат во последните 20 години – велат градските власти.
