Комарците во текот на летото не им создаваат проблем само на луѓето туку и на нивните миленици. Нивното каснување може да предизвика оток, црвенило и исип. Ветеринарите наведуваат дека сопствениците во повеќето случаи не забележуваат дека нешто се случило, особено ако нивното куче има подолги влакна. Во ретки случаи може да предизвика посериозни алергиски реакции.
За жал, каснувањата од комарци не само што може да предизвикаат непријатност туку може да го загрозат и здравјето на кучето. На пример, комарците може да пренесат потенцијално фатална болест наречена срцев црв.
Срцевиот црв е паразит што живее во срцето, белите дробови и во крвните садови кај цицачите. Може да предизвика сериозни здравствени проблеми, како што се срцева слабост и оштетување на други органи на вашето домашно милениче. Затоа се препорачува да избегнувате да го носите вашето куче на прошетка кога е самрак или зора, бидејќи комарците се најактивни во тие делови од денот. Може да помогне и средство за одбивање комарци за кучиња.
