Синоќа, половина час по полноќ пријавено е пукање од огнено оружје во хотелот „Александар Палас“ во Скопје, а во инцидентот нема повредени, информираат од МВР.
– На 01.12.2019 г. околу 00:35 часот пријавено е пукање од огнено оружје во хотел „Александар Палас“ во Скопје. Повредени лица нема. Според пријавеното, додека во ресторанот на хотелот седеле Е. И. (21), Е. И. (25), О. Б. (35), К.И. (41) и Љ.Ќ. (25) три лица почнале да пукаат кон нив. Тогаш Љ.Ќ., полициски службеник кој не бил на работа, испукал од службениот пиштол кон нив, по што тие заминале. Повредени лица нема – се наведува во соопштението од МВР.
Од МВР информираат дека се работи на расчистување на случајот.
