Експертите за клима од Бангладеш бараат поголема свесност за опасностите од гром, откако шест лица загинаа од гром во вторникот, со што вкупниот број достигна над 3.500 во изминатите шест години. Бурите со грмежи стануваат сѐ почести во Бангладеш, кој е богат со вода, поради зголемените глобални температури што предизвикуваат поголемо испарување на вода, а во 2016 година земјата ги вклучи и молњите на листата на природни катастрофи, заедно со поплавите и земјотресите.
Според Дирекцијата за управување со катастрофи од Универзитетот за инженерство и технологија, Бангладеш е меѓу земјите со највисока стапка на смртност од удари од гром, со околу 3.500 смртни случаи за шест години, додека во САД, на пример, гром убива помалку од 20 луѓе во една година.
Несреќен рекорд беше поставен во 2016 година, кога 82 две лица загинаа од гром во еден ден.
Затоа голем број здруженија, меѓу кои и Здружението за спасување живот и Форумот за издигање на свеста за бура, предупредуваат дека луѓето не треба да останат на отворено за време на грмежи, дури и под високи дрвја, метални столбови и телефонски столбови.
