Многумина би претпоставиле дека консумирањето овошје, како природно слатко, е лесно и често, но истражувањата покажуваат дека е поинаку. Според извештајот на центрите за контрола и превенција на болести, само 12 отсто од Американците редовно ја јадат препорачаната една и пол или две шолји овошје дневно.
Овошјето е од суштинско значење за внесувањето витамини, минерали, антиоксиданси и растителни влакна. Луѓето што консумираат повеќе овошје го намалуваат ризикот од срцеви заболувања, мозочен удар и рак. Австралиско истражување од 2021 година дури покажа дека оние што јаделе најмалку две порции овошје дневно имале 36 отсто помал ризик од развој на дијабетес тип 2. Но со толку многу овошје на располагање, кое треба да го изберете?
Додавањето на овие плодови во вашата секојдневна исхрана може да го подобри вашето целокупно здравје и енергија. Не заборавајте дека разновидните овошја носат најразлични придобивки, па затоа обидете се да вклучите што повеќе различни видови во вашата исхрана, пишува „Ит дис“.
Десет овошја што се издвојуваат како „природни суперѕвезди“:
Јаболка: Богати со влакна и пектин, јаболката помагаат во намалување на холестеролот и го поддржуваат здравјето на цревата.
Манго: Ова тропско овошје е богато со влакна, витамин Ц и витамин А и помага да се намали ризикот од рак.
Цреши: Преполни со антиоксиданси и антиинфламаторни соединенија, црешите ги намалуваат воспалението и оксидативниот стрес.
Јагоди: Голема порција јагоди има малку јаглехидрати, што ги прави одличен избор за луѓето со дијабетес. Богати се и со антиоксиданси, кои го подобруваат здравјето.
Боровинки: Боровинките се полни со антиоксиданси и помагаат да се зачува менталното здравје.
Суви сливи: Сувите сливи се одлични за здравјето на коските и содржат влакна.
Банани: Лесни за јадење и богати со енергија, бананите се совршен избор за брзо добивање енергија и хранливо збогатување.
Авокадо: Авокадото е богато со здрави масти и растителни влакна, што го промовира здравјето на цревата и срцето.
Малини: Богати со влакна и антиоксиданси, малините поддржуваат здрава телесна тежина и функционирање на цревата.
Лубеница: Ликопенот во лубеницата го намалува ризикот од рак и го подобрува здравјето на срцето. Кората од лубеницата е исто така јадлива и богата со растителни влакна.
