Интернет-страницата „Ранкер“ објави листа на најомразени телевизиски ликови, која е создадена врз основа на 250 илјади гласа. На списокот има неколку актери од „Игра на тронови“, како и од серијата „Гли“, па дури и некои анимирани ликови.
Телевизијата е забавна, но некои ТВ-ликови не ни се омилени. За секој омилен лик на телевизија постои еднакво и непоколебливо омразен. Листата што ја објави „Ранкер“ ги рангира најлошите од најлошите, вклучувајќи ги сите најстрашни и најомразени ТВ-ликови на сите времиња.
Листата последен пат е ажурирана на 24 ноември и вклучува вкупно 257.000 гласа. Заедно со листата наведуваат дека ќе откриете дека има некои ликови што сите ги мразат толку многу што никој не трепнува кога ќе дознае дека се блиску до врвот на оваа листа на ужасни телевизиски ликови.
– Дали некогаш сте престанале да гледате некоја серија само затоа што еден лик многу ве изнервирал? Ова е список на такви ликови – велат тие.
Листата вклучува некои од најзлобните ТВ-ликови. Тие не се нужно злобни затоа што се лоши или зли, туку едноставно затоа што секогаш кога ќе се појават на екранот, сакате едноставно да си заминат. Со други зборови, тоа не се ликови што „сакате да ги мразите“, тие се непопуларни, па дури и досадни ликови што едноставно не можете да ги поднесете.
Џофри Баратеон од „Игра на тронови“ го зазеде првото место.
– Неговото прикажување на одвратниот лик нѐ држи на работ од нашите седишта, со нетрпение очекувајќи го неговиот следен ѓаволски потег – наведуваат од „Ранкер“.
Друг лик од „Игра на тронови“ е на второто место, а тоа е Ремзи Болтон. Третото место е за Шоу Такер, на четврто е гувернерот од серијата „Живи мртовци“, а на петто е Рејчел Бери од „Гли“.
На листата се најдоа и Ливија Сопрано од „Сопранови“, Езра Фиц од серијата „Убави мали лажги“, како и Емили Волтам од популарните „Пријатели“, на 26-та позиција. Интересно е што на листата се најде и ликот на Дора од истоимениот анимиран филм.
