Украинскиот претседател Володимир Зеленски изјави дека замрзнувањето на конфликтот ќе ја стави Украина во слаба позиција пред идните преговори, објави Укринформ, повикувајќи се на неговото интервју за Блумберг во Давос.
– Замрзнувањето на конфликтот не е најдобрата понуда за Киев, тоа е слаба позиција за влегување во идни преговори за Украина. Навистина, ова е вин-вин позиција за Русија, бидејќи таа не губи ништо и добива само време за да ја обнови својата сила. Верувам дека тие се подготвени повторно да се вратат – рече Зеленски.
Според него, најкритичното прашање во овој контекст е прашањето за безбедносните гаранции за Украина.
Зеленски повика на зголемен притисок врз Москва – со воведување повеќе санкции, со обезбедување поголема воздушна одбрана за заштита на украинските градови и оружје за одбранбените сили на Украина.
– Ноќта руската армија го бомбардираше Запорожје со ракети и беспилотни летала. Тоа беа напади врз станбени области и инфраструктура. Во моментов знаеме за еден смртен случај како резултат на овој терор, а 26 лица се повредени, меѓу кои и едно двомесечно бебе. Нашите спасувачи беа повредени при повторното гранатирање кога се појавија да ги санираат последиците – напиша Зеленски во „Телеграм“, цитиран од Укринформ.
