Тим научници од Меѓународната агенција за атомска енергија (МААЕ) пристигна во јапонската нуклеарна централа Фукушима, како дел од годишната мониторинг мисија за да се осигура безбедноста на испуштањето на прочистената радиоактивна отпадна вода во морето.
Тимот на МААЕ ќе земе примероци од истоимената нуклеарна централа, крајбрежните води и рибниот пазар во блискиот град Иваки. Тимот ќе посети и национална лабораторија во близина на Токио и ќе се сретне со јапонските власти.
Јапонија почна да испушта отпадни води од нуклеарната централа Фукушима во август 2023 година. Кина силно протестираше и го блокираше увозот на јапонски морски плодови, што ги погоди јапонските извозници на морска храна.
Јапонија вели дека испуштањето вода ги исполнува меѓународните безбедносни стандарди и дека е надгледувано од МААЕ.
