САД
Голем број авиокомпании се загрижени дека поставувањето 5Г-мрежа во близината на аеродромите во САД може да ја загрози безбедноста на воздушниот сообраќај. Угледните авиокомпании од Јапонија, Индија и од Обединетите Арапски Емирати ги прекинаа летовите низ Соединетите Американски Држави откако изразија загриженост поради воведувањето на мрежата 5Г.
„Емирејтс“, „Ер Индија“, „Џепен ерлајнс“ и „Ол Нипон ервејс“ ги откажаа летовите за Њујорк, Њу Џерси, Сан Франциско, Лос Анџелес, Чикаго, Хјустон и Сиетл.
Авиокомпаниите постојано изразуваа загриженост дека мрежата 5Г потенцијално може да се меша со инструментите на авионите или радиовисочините. Досега, Военото воздухопловство на САД одобри помалку од половина од комерцијалната флота во земјата да слета во услови на слаба видливост на аеродромите, кои се потенцијално погодени од пречки од 5Г.
Како одговор на загриженоста, „Еј-ти енд ти“ и „Веризон“ го одложија вчерашното планирано воведување на услугата 5Г во близината на некои американски аеродроми. Во меѓувреме, „Ерланс фор Америка“ ја предупреди Белата куќа дека американската трговија ќе „запре“ доколку не се одложи воведувањето на услугата 5Г и дека „огромното мнозинство патници и членови на екипажот во суштина ќе бидат приземјени. Ова значи дека повеќе од 1.100 лета и 100.000 патници ќе бидат погодени поради откажување, пренасочување или доцнење на летовите“, соопшти компанијата.
