Максимално обезбедување, но и искри на самитот на Г20

Трамп ја откажа средбата со Путин на маргините на самитот на Г20 во Аргентина поради тензиите околу Украина. Истовремено се намалија и очекувањата за смирување на трговската војна меѓу САД и Кина
Заострените односи меѓу Западот и Русија поради Украина, трговската војна меѓу САД и Кина и присуството на саудискиот принц Мохамед бин Салман, кој е обвинет дека го нарачал бруталното убиство на новинарот Џамал Кашоги, се само дел од тензиите што се очекуваше да го обележат дводневниот самит на лидерите на Г20, кој почна вчера во аргентинската метропола Буенос Аирес.