Во Кина почна да работи линија на автономен воз без машиновозач и екипаж. Линијата е отворена во Чонгкинг и е долга 15,4 километри.
Според компанијата „Скај Шатл“, тој воз е понапреден од конвенционалните решенија за градски превоз, има пониски трошоци за изградба и побрзо се гради и е многу добро интегриран со природната средина.
Патниците можат да се качат на новиот воз користејќи билети за патување или со скенирање на код или лице преку систем за препознавање.
Возовите можат да превезуваат помеѓу 6.000 и 10.000 патници на час, со максимална брзина од 80 километри на час, додека на линијата има 15 постојки.
