Португалскиот фудбалер Кристијано Роналдо добил најголем приход во спортот во 2024 година, покажа студијата на веб-страницата „Спортико“. Напаѓачот, кој на 5 февруари наполни 40 години, заработи 260 милиони долари. Огромното мнозинство од неговите приходи се должи на неговата фантастична плата во саудискиот клуб Ал Наср – 215 милиони долари. Останатите 45 мил се од огласи.
Фрапантно е што Роналдо е за 100 милиони пред второпласираниот на рангирањето – кошаркарот на Голден Стејт Вориорс, Стеф Кари. И поточно – со 106,2 мил. повеќе, бидејќи Кари лани доби 153,8 милиони (100 милиони од реклами и 53,8 милиони од плата).
Трет е боксерот Тајсон Фјури, кој во 2024 доби 147 милиони. Од оваа сума 7 се од реклами, а останатите 140 се приходи од бокс.
Осумкратниот освојувач на „Златната топка“ Лионел Меси (Интер Мајами) е четврти на оваа ранг листа со 135 милиони долари приход (75 милиони од реклами и 60 милиони од плати). Петти е повторно кошаркар – Леброн Џејмс („Лос Анџелес Лејкерс“) со 133,2 милиони долари (85 милиони од реклами и 48,2 милиони од плати).
Во Топ 100 на „Спортико“ има натпреварувачи од 27 националности во 8 спортови. Заработиле приближно 6,2 милијарди долари во 2024 година. Впечатливо е што нема ниту една жена во првите сто. Спортистка со најголем годишен приход е тенисерката Коко Гоф – 30,4 милиони долари, додека спортистот на 100-то место – бекот на Минесота Викингс, Даниел Џонс, заработи 37,5 милиони долари.
