Нега и убавина
Наместо илјада различни третмани, можете да постигнете убава и затегната кожа само со една четка. Сѐ што ви треба е четка од природни материјали и неколку минути дневно посветени на себе и на добар пат сте да го стимулирате лимфниот систем, да го ослободите телото од токсините, да ја поправите кожата и да заборавите дека некогаш сте имале целулит!
Најдобар ефект ќе се создаде доколку воведете суво четкање како петминутна утринска рутина пред туширање. Се препорачува секојдневно суво четкање, бидејќи кожата всушност се третира како трет бубрег, во смисла дека четкањето ги стимулира лимфата и циркулацијата, па токсините полесно се ослободуваат од кожата, што ја прави многу поубава.
Дејствува како пилинг – ги отстранува мртвите клетки на кожата, ги отвора порите и ѝ овозможува на кожата да дише.
Ја стимулира циркулацијата – сувото четкање ја стимулира циркулацијата на кожата, што помага да се отстрани метаболичкиот отпад.
Го стимулира лимфниот систем – дејствува на враќање на рамнотежата на течностите во организмот и на тој начин ја подобрува целокупната состојба на организмот, позитивно влијае на работата на вегетативниот нервен систем и на целиот имунолошки систем. Може да ја намали мускулната тензија и да го смири умот.
Потребна ви е четка од природни материјали со поцврсти влакна, но не премногу тврда. Долга рачка би била корисна доколку не можете да стигнете до некои места на вашето тело.
Започнете со четкање од стапалата, а потоа полека движете се кон горните делови на телото. Четкајте со кружни движења во насока на стрелките на часовникот. Избегнувајте ги лицето, интимните делови и местата каде што вашата кожа е оштетена, како и проширените вени. Пожелно е притисокот врз кожата да биде цврст, но не и болен. По четкањето, вашата кожа треба да биде розова, а не црвена или иритирана. Во зависност од чувствителноста на вашата кожа, четкањето може да трае од 2 до 20 минути, а најважно е тоа да се прави секојдневно.
