Здрава храна
Лекар и нутриционист објасни кои намирници се лоши за појадок и како тие влијаат на нашето тело. Ако не сте знаеле, станува збор за бананата. Бананите се едно од најпопуларните тропски овошја, богати со витамини и минерали. Поради високата содржина на калиум, тие често се препорачуваат за луѓе што се чувствуваат уморно, немаат енергија или имаат проблеми со висок крвен притисок. Сепак, нутриционистите предупредуваат дека бананите не се најдобриот избор за првиот утрински оброк, иако дејствуваат практично и здраво.
Зрелите банани се богати со јаглехидрати, а повеќе од половина од нив се шеќери. Затоа тие се сметаат за овошје со висок гликемиски индекс, што значи дека може да предизвикаат ненадеен скок на шеќерот во крвта, проследен со брз пад. Овој ефект може да доведе до чувство на глад веднаш по оброците и зголемено внесување калории во текот на денот. Нутриционистот д-р Дерил Џофр објаснува дека шеќерите во бананите ферментираат и во дигестивниот тракт, што може да го забави варењето и да предизвика непријатност.
Иако бананите се богати со витамини Б6 и Ц, калиум, манган и магнезиум, нивниот нутритивен состав не е доволен за да обезбеди долготрајно чувство на ситост. Недостигот од протеини и здрави масти значи дека телото нема да добие сѐ што е потребно за стабилна енергија во текот на утрото.
Нутриционистите се согласуваат дека појадокот е најважниот оброк во денот и дека треба да биде добро избалансиран. Идеалниот појадок треба да содржи: протеини, како јајца, грчки јогурт, сирење, посно месо, или растителни извори на протеини, како тофу и јаткасти плодови.
