Министерството за одбрана информира дека пристигна воен конвој со нови возила на Армијата – лесни оклопни возила ЈЛТВ Ошкош, кои се од американско производство.
-Лесните оклопни возила ЈЛТВ се дел од процесот за модернизација и опремување на Армијата на Република Северна Македонија согласно НАТО стандардите и ќе бидат поддршка на Лесната пешадиска баталјонска група во Штип, која воедно е нашата НАТО единица – соопшти денеска Министерството за одбрана.
Проектот „Набавка на лесни оклопни возила на тркала“ е започнат во 2019 година со склучување договори помеѓу владите на Македонија и САД. Досега се пристигнати 32 возила од овој тип.
Фото: Министерство за одбрана
