Почина Силјан Мицевски (78), поранешен градоначалник на Битола и почесен конзул на Србија во Битола.
Силјан Мицевски беше прв избран градоначалник на Битола, на непосредни избори што се одржаа во 1996 година, а во 2007 година со одлука на српската Влада беше назначен за почесен конзул на Србија во Битола.
Професионалната кариера на Мицевски е втемелена на ГП „Пелистер“- Битола која датира од 1968 година, најголемата љубов и самоодрекувања во животот на Мицевски се врзани за спортот и посебно ракометот каде бил ракометар, прв македонски меѓународен ракометен судија, и поддржувач на ракометниот клуб Пелистер.
Силјан Мицевски е добитник на бројни награди и признанија, меѓу кои наградата „4 Ноември“ во 1979 година, наградата „Интернационална ѕвезда – златна категорија“ доделена во Париз 2003 година, престижното признание „Личност на Југоисточна Европа“ за 2016 година кое му беше врачено на Универзитетот „Хумболт“ во Берлин, а во 2016 година му беше доделено државното знаме на Србија.
