Прекинува потрагата по македонскиот турист што исчезна во водите кај Посиди пред три недели, објави грчката организација ОФКАТ. Потрагата траеше 20 дена, но напорите на сите кои учествуваа, за жал не вродија со плод, велат од организацијата.
– Денеска се навршуваат 20 дена без Мартин. Напорите за негово лоцирање цело ова време за жал не вродија со плод иако ги измешавме морето, копното и небото со секакви средства што ќе ги обезбедиме ние и сите државни субјекти! Мартин не припаѓа на морето. Мартин припаѓа на земја и таму во одреден момент мора да се врати. Па да го оставиме морето неколку дена да си ја заврши работата со надеж дека во одреден момент ќе ни го врати. Се согласуваме со неговото семејство и еве зошто нема да дозволиме случајот да се затвори. На крајот на краиштата, ние го дадовме нашето ветување на неговата мајка, Лидија и на братот, Горан дека ќе го најдеме Мартин. Истрагите сега продолжуваат на друго ниво – наведуваат од грчката организација ОФКАТ.
