Тројца повредени во сообраќајна несреќа што се случила синоќа на ул. Волковска во Скопје, помеѓу две возила.
Според информациите од МВР, повредени се возачот на едното возило – „мерцедес“ и две сопатнички, од кои едната е малолетна.
„ Со повреди се здобиле возачот Ж.Ѓ. и малолетна сопатничка од Скопје, додека сопатничката С.Ѓ.(32) од Скопје се здобила со тешки телесни повреди констатирани во комплекс клиники „Мајка Тереза“ каде им била укажана лекарска помош“ соопшти МВР.
Увид на лице место извршила екипа од СВР Скопје.
