При експлозија во северниот дел на Сирија загинаа најмалку 32 луѓе, а 45 се повредени, соопштија сириски опозициски активисти. Засега не е позната причината за експлозијата.
Опозициската Сириска цивилна заштита, позната како „бели шлемови“, истакна дека експлозијата се случила денеска во селото Сармада, во близина на турската граница, а во неа „се убиени и повредени повеќе од десет луѓе“. Во инцидентот е уништена петтокатна зграда и голем број од жртвите се наоѓаат под урнатините.
Сирискиот центар за мониторинг на човековите права, со седиште во Лондон, првично соопшти дека загинале 18 лица, но не е потврдено дали жртвите се цивили.
Центарот наведува дека експлодирал магацин за оружје во подрум на една зграда.
Во меѓувреме, сириските безбедносни сили се борат против бунтовниците во покраината Идлиб.
