Во текот на изминатото деноноќие, полициските службеници на целата територија на државата лишиле од слобода 12 возачи поради безобѕирно управување со возило, информира Министерството за внатрешни работи, пренесе МИА.
Од нив, десет управувале возило без возачка дозвола, додека двајца биле затекнати како возат под дејство на алкохол. Без дозвола биле регистрирани случаи во повеќе градови, и тоа двајца во Скопје, по еден во Штип и Кичево, двајца во Велес и четворица во Тетово, од кои двајца биле малолетници.
Во Велес, еден од возачите под дејство на алкохол предизвикал и сообраќајна незгода, додека уште еден алкохолизиран возач бил евидентиран во Битола.
Од МВР најавуваат дека по целосно документирање на случаите ќе бидат поднесени соодветни кривични пријави, а воедно апелираат до граѓаните да ги почитуваат сообраќајните правила и да не управуваат возило без дозвола или под дејство на алкохол, со цел зголемување на безбедноста во сообраќајот.
