АЛПСКО СКИЈАЊЕ – СВЕТСКИ КУП
Марко Одермат (Швајцарија) со победа ја почна одбраната на кристалниот глобус во супервелеслалом, на отворањето на сезоната за брзински натпревари во Светскиот куп (СК) во алпско скијање, на трката на Копер Маунтин (САД). Одермат се обидува да стане третиот скијач што освоил четири последователни титули во супервелеслалом во СК, откако Пирмин Цурбриген (Швајцарија) го постигна тоа од 1987 до 1990 година, а Херман Маер (Австрија) помеѓу 1998 и 2001 година, пишува Интернационалната скијачка федерација (ФИС).
На трката на Копер Маунтин второто и третото место ги освоија скијачи од Австрија, Винсент Крихмаер (осум стотинки побавно време од Одермат), односно Рафаел Хасер. Вчера на програмата беше трка во велеслалом.
Одермат во 2022 година ги освои титулите во Светскиот куп во генерален пласман и во велеслалом, во 2023 година на тоа додаде трофеј во супервелеслалом, а во минатите две сезони тој освои по четири кристални глобуси, и тоа во генерален пласман, спуст, супервелеслалом и во велеслалом. Н.М.
