ШАХ – МЛАДИНСКО СП 2025
- Во конкуренција на вкупно 719 младинци од 83 држави играат и шестмина од Македонија
Во Драч (Албанија) почна Светското првенство (СП) за младинци во шах, во возрасните категории до 14, 16 и до 18 години за момчиња и за девојчиња, а во конкуренција на вкупно 719 младинци (четири ВМ, 23 ИМ, 16 ЖИМ, 108 ФМ, 49 ЖФМ) од 83 држави играат и шестмина од Македонија, кои во првото коло освоија вкупно 2,5 поена. Цел поен освоија Мајкл Бурнс (до 16 години) и ЖФМ Моника Жежовска (до 18 г.), ФМ Антон Златков ремизира (до 18 г.), а загубија Даниел Стефаноски (до 14 г.), Делфина Огњановска (до 16 г.) и Елисавета Бурнс (до 14 г.).
Кај момчињата до 18 години играат 120 шахисти (тројца ВМ, 23 ИМ, 40 ФМ) од 66 држави, а прворангиран е полскиот ВМ Јан Климовски (2.524 рејтинг-поени). Во категоријата до 16 години има 145 шахисти (еден ВМ, седум ИМ, 33 ФМ) од 68 земји, а прв фаворит е индискиот ИМ, А.Р. Илампарти (2.518). На турнирот до 14 години играат 149 шахисти (тројца ИМ, 31 ФМ) од 70 земји, а прв на листата е ИМ од Кина, Хаокен Јанг (2.457). Кај девојчињата до 18 години има 80 шахистки (10 ЖИМ, еден ФМ, 21 ЖФМ) од 54 држави, прворангирана е ЖИМ од Узбекистан, Афруза Хамдамова (2.409), до 16 години играат 114 шахистки (шест ЖИМ, четири ФМ, 14 ЖФМ), а прворангирана е ФМ од Индија, Гупта Пришита (2.353), а до 14 години има 109 шахистки (15 ЖФМ) од 60 држави, а со највисок рејтинг е ЖФМ од Казахстан, Марија Холјавко (2.241). Г.И.
