Во завршна фаза се активностите за санација и децениски задоцнета модернизација на главниот градски водовод – информираа од ЈП „Водовод и канализација“.
Оттаму посочуваат дека со оваа модернизација ќе се подобри водоснабдувањето и притисокот во Општина Ѓорче Петров и Карпош, со репарација на шесте сегменти каде во изминати децении беа забележани огромни загуби на вода.
Тие информираат дека со затварање на главниот градски цевковод Ф1600мм по должина на линија на потегот од кружниот тек во Ѓорче Петров до раскрсницата на булевар „Партизански одреди“ со улицата „Никола Парапунов“, нивниот тим ги заврши интервенциите
По должина на траса по Партизанска од кружен тек Ѓорче Петров до хотел Карпош каде се променети 5 воздушни вентили и 5 затварачи за истите на Ф200 мм поврзани на цевководот Ф1600 мм.
-Реконструиран е затварач Ф700 на булеварот „Партизански одреди“ со улицата „Никола Парапунов“. Променет е затварачот на Ф400 мм на кружниот тек Порта Влае. Реконструиран е затварач Ф600 мм на мостот Обединети Нации. Реконструиран е затварач Ф500 мм на ул. Никола Парапунов – соопштија од ЈП „Водовод и Канализација“ – Скопје.
Како што информираат, во овој момент во фаза на завршување е последната постапката за реконструкција на затварач Ф700 мм на улицата „Никола Парапунов“, која се изведува независно од останатите и за која не е неопходно затворање на главниот довод.
Од претпријатието нагласуваат дека согласно Оперативниот План за санација на затварачите на градска водоводна линија Ф1600 мм, Сектор Водовод со ангажирани повеќе од 160 стручно вработени меѓу кои ВКВ водоинсталатери, инженери, оперстори и возачи на специјални возила, ВКВ автомеханичари, ВКВ машинобравари, ВКВ механичари, ВКВ електричари, работници за дијагностика на дефекти и техничари кои ка вршат работата на терен и уште толку административни лица заедно со директорот ги подготовија и завршуваат согласно планот за постапување со механизација, алат и пумпи.
-Во време кога половина населени места во Македонија токму поради ненавремена санација на водоводите со денови и недели граѓаните немаат вода, а особено во летните месеци, нашиот, согласно сложен детален оперативен план, успешно го решава еден од критичните децениски проблеми со кој воедно се подобрува водоснабдувањето и притисокот во Општина Ѓорче Петров и Карпош, со репарација на 6 сегменти каде во изминати децении се нотирани огромни загуби на вода – велат од ЈП „Водовод и Канализација“ – Скопје..
Тие апелираат до сите јавни чинители да ги поддржат нивните вработени во оваа акција која бара високо ниво на стручност и техничка подготвеност, а воедно и до јавноста да не потпаѓа под изнесувањето информации од нестручни лица со цел да се предизвика страв и паника кај граѓаните.
