На листата на ФИДЕ со македонски шахисти водат Евгени Романов и Моника Стојковска, а на светската и понатаму неприкосновени се Магнус Карлсен и Јифан Хоу
На македонската машка рејтинг-листа на Светската шаховска федерација (ФИДЕ), велемајсторот (ВМ) Евгени Романов и понатаму е прв со 2.590 рејтинг-поени, но сега со нови шест рејтинг-поени (р.п.) повеќе во однос на листата од ноември. Втор е ВМ Трајко Недев (2.475), на третото од четвртото место се искачи интернационалниот мајстор (ИМ) Филип Панчевски (2.420), од седмото на петтото напредуваше ИМ Никола Николовски (2.407) со нови седум р.п., а од третото на шестото место падна ИМ Дејан Стојановски (2.407). Меѓу првите сто, најмногу рејтинг-поени освоија Кирил Николовски (1.950, +40) за напредок од 98-то на 86-то место и Илија Стошевски (2.045, +30) од 73-то на 64-то место.
На македонската листа за шахистки нема промени меѓу првите пет. Води ЖФМ Моника Стојковска (2.067), втора е ЖФМ Весна Секуловска (2.064), трета е ЖФМ Ивана Манова (2.059), четврта е ЖИМ Габриела Коскоска (2.000), а петта е Моника Жежовска (1.981). Од 41 шахистка на листата, поени освои само Илијана Велева (1.531) и напредуваше од 31-то на 29-то место.
На светската листа за декември на врвот и понатаму води поранешниот светски првак, Норвежанецот Магнус Карлсен (2.831), до 10-то место поредокот е ист, а само Индиецот Арјун Еригаиси (2.801) освои два рејтинг-поена. Претендентот за светски првак, Индиецот Домарају Гукеш остана петти (2.783), а светскиот првак Кинезот Динг Лирен (2.728) напредуваше за едно место и сега е на 22-то место. Кај шахистките доминираат Кинезинките. Води поранешната светска првенка Јифан Хоу (2.633), актуелната шампионка Ју Венјун е втора (2.563), а Тан Жонгји остана трета (2.561), но со нови 10 поени. Од шестото на петтото место (со нови 18 поени) се искачи Русинката Александра Горјачкина (2.546).
Екипно Македонија (мажи) остана на 55-та позиција, со минус еден р.п. (2.427, просечен рејтинг на првите 10 шахисти) од вкупно 203 шаховски федерации. Водат САД (2.733), пред Индија (2.721) и Кина (2.677). Македонија (жени) напредуваше за едно место и сега е на 62-то место со ист рејтинг (1.965). Прва е Кина (2.488), пред Индија (2.415), Украина (2.387) итн. Г.И.
ВРВНИ ПЕТ МАКЕДОНСКИ ШАХИСТИ
1. (1) ВМ Евгени Романов 2.590
2. (2) ВМ Трајко Недев 2.475
3. (4) ИМ Филип Панчевски 2.420
4. (5) ВМ Александар Чоловиќ 2.413
5. (7) ИМ Никола Николовски 2.407
ВРВНИ ПЕТ МАКЕДОНСКИ ШАХИСТКИ
1. (1) ЖФМ Моника Стојковска 2.067
2. (2) ЖФМ Весна Секуловска 2.064
3. (3) ЖФМ Ивана Манова 2.059
4. (4) ЖИМ Габриела Коскоска 2.000
5. (5) ЖФМ Моника Жежовска 1.981
ВРВНИ ПЕТ СВЕТСКИ ШАХИСТИ
1. (1) ВМ Магнус Карлсен 2.831
2. (2) ВМ Фабијано Каруана 2.805
3. (3) ВМ Хикару Накамура 2.802
4. (4) ВМ Арјун Еригаиси 2.801
5. (5) ВМ Домарају Гукеш 2.783
ВРВНИ ПЕТ СВЕТСКИ ШАХИСТКИ
1. (1) ВМ Јифан Хоу 2.633
2. (2) ВМ Венјун Ју 2.563
3. (3) ВМ Тан Жонгји 2.561
4. (4) ВМ Леи Тингџие 2.549
5. (6) ВМ Александра Горјачкина 2.546
во заградите се пласманите на претходната листа
