Нега и убавина
Ако ги следите трендовите на поп-културата, сигурно сте ги виделе вашите омилени познати личности како експериментираат со различни нијанси на црвена коса. Па така, веста дека црвената коса е тренд воопшто не е изненадување. Црвената не е нешто што сакате да го пробате дома, бидејќи тоа е боја што бара професионално нијансирање за да се добие вистинскиот ефект. Сепак, пред да одите во салон, треба да имате барем идеја за тоа каква нијанса на црвена сакате, бидејќи има многу широка понуда. Одговорот лежи во тоа да откриете која точно од популарните бои одговара на кој тип на тен, очи, стил…
Јагода: Оваа нијанса обично најмногу им одговара на жените со светла кожа и може да биде добра преодна нијанса за вашиот вовед во црвената коса.
Светол бакар: Посветлата бакарна боја најдобро одговара на понежната кожа.
Огнено црвено: Ова е боја што изгледа одлично на жените со бела кожа и сини или зелени очи. Оваа нијанса е тешко да се постигне и одржува.
Класичен бакар: Бакарните кадрици се идеални за исончан тон на кожа.
Цреша црвена: Смелите прамени во боја на цреша, кои исто така содржат виолетови ноти, се совршени за девојки со топли поттонови и потемна кожа.
Бордо: Некои нијанси на црвена боја може да ги дополнат сите тонови на кожата, а меѓу нив е и бордото. Прекрасниот спој на темноцрвена и виолетова им дава акцент на очите.
