Руското воено воздухопловство утринава уништи 42 украински беспилотни летала над Крим и една ракета над регионот Калушка во Русија, соопшти руското Министерство за одбрана.
Министерството прецизираше дека противвоздушната одбрана уништила девет беспилотни летала, додека останатите 33 биле потиснати со електронска војна и паднале над Крим пред да стигнат до своите цели.
Градоначалникот на Севастопол, Михаил Развозаев, на Телеграм напиша дека се уништени неколку беспилотни летала над Керсон рт, кој се наоѓа на периферијата на Севастопол.
Руската војска утринава соопшти дека Украина се обидела да нападне цивилни цели на руска територија со модифицирана ракета С-200.
Ракетата е уништена од противвоздушни одбранбени системи над регионот Калуга, кој граничи со Москва, соопшти руското Министерство за одбрана.
Московските аеродроми Внуково и Домодедово ги прекинаа летовите рано утринава, објави руската новинска агенција „ТАСС“.
Исто така, жителите на руските региони Тула и Калуга претходно објавија на социјалните мрежи за експлозиите што ги слушнале во текот на ноќта, објави рускиот онлајн-медиум База.
