Белата куќа вечерва ја поздрави денешната одлука на Европската унија за „заедничко делување“ по прашањето за ограничување на цената на руската нафта на 60 долари за барел и додаде дека тоа ќе има ефект на ограничувањето на руските приходи.
-Ние продолжуваме да веруваме дека ограничувањето на цената ќе помогне да се ограничи способноста на Путин да профитира од нафтата, што ќе му отежне да ја финансира неговата воена машинерија која убива невини Украинци, изјави портпаролот за национална безбедност на Белата куќа, Џон Кирби – пренесоа британските медиуми.
Претходно, денеска Европската унија одлучи да ја ограничи цената на 60 долари за барел, откако Полска се согласи да го деблокира договорот што беше закочен од пред четири дена.
Механизмот за ограничување на цените ќе стапи на сила в понеделник, на 5 декември
